Lorraine & Ames | Japan

Japan | October 2012

前日上黎揀完相心情真係一流~加上你地阿同事Yu真係太好玩XD~襯得閒的起心肝share下對你地公司既Comment~^^

話說起初一心想去臺灣影prewedding,貪景靚又平D,奈何搵左好耐發現臺灣既風格同婚莎都較老土…而且好多comment都話臺灣公司好hardsell… 尤其話後期揀相時,實比人sell到頭暈,唔加相又黑面遲交貨etc…如是者一直都擇唔掂..

有次同女友家姐傾開計,話有個同事剛影完雲南,自然山色景靚又有馬仔騎,講多無謂,開個fb黎望下先啦~E!幾靚wor!咁…會唔會狂sell加相加錢果D先,托阿家姐問過後,佢話無問題,擇相時完全無人sell加相之類,相底重全包~細問下先識左你地Fei Wedding~

循例上網search左好多有關於Fei既post,發現讚既post好多,講到點樣細心安排影得好開心果D,心諗有無咁誇張呀?踩既呢,都有D ,不過比起其他search過既公司,相對算好少,而且有D所謂既問題都唔算係咩問題~再者都睇過朋友影完既相真係靚,於是決定信自己對眼,直接落門市睇下。

話說我地都好怕比人sell,但都要讚下Kate~講野有point之餘同佢傾計無hard feeling,我地都好放心問佢野~攝影師你請左佢真係無死錯人,佢真係好sell得~問左成粒鐘但我都未join package,因為自己心多多想影日本,要諗多諗~當然Kate都無講粗口XD,過幾日決定join輕井澤紅葉,Kate細心講左好多要注意既野比我地知~雖然無去婚展bk,但都比左好多優惠我地~thx~

好快就上左Fei擇衫,老實說Fei既衫稱唔上好多~~但都不乏D後生款同新衫,女友有件心儀靚衫同人撞期實屬不幸..好在同事a都好樂意咁推介左唔同既衫比女友,我地總算揀到中意既野~同事a叫咩名呢?(好像坐最近門口)總之好多謝你~女友話你試衫好幫得手~!

好了~出發去日本~早一日到輕井澤,WA~正呀!天色靚到嘔電~日本天氣預佈重話” 聽日一定會好天既!” ,晚上約左影師攝影師同佢partner 化妝師係酒店傾下對於影相既喜好呀、地方路線等等,輕輕鬆鬆半個鐘,傾好晒第日既安排~然後就迎接緊張既影相日了~

”凡事…唔係絕對既…” 媽呀!天色差到嘔電,說好的晴天呢…down晒…. ai…都要影架!晨咁早化妝師黎左幫女友化靚~尋晚好似較正經既佢原來都好nice好好傾~令到緊張既女友同心情低落既我都relax返~之前都有試過BigDay妝,比較起黎化妝師化妝都好細心同有功夫~佢Set既髮型我女友都好滿意,之後有時間化妝師重幫我Gel埋頭~個頭Gel得重靚過剪開果個髮型師,機乎想BigDay請佢黎幫我Gel頭O_O…

出發影相,天色非常陰沉,超凍不特止重落埋雨,我女友係超怕凍果type,果朝得3、4度,女友一路影相一路震…化妝師真係好好人,每影完兩三張一個shot佢都即刻衝過黎幫我女友著返褸,加上落雨又要佢擔埋遮走黎走去,見到佢都覺幸苦,未死得真係好鬼好鬼死感激你~

講返攝影師~~~佢個人真係好nice好有趣~起初我地都怕影呢D相會好緊張,個人會好生硬,但係全靠阿攝影師一路耐心教擺post~(你果D招牌女人型Post+聲調…到呢家都重瀝瀝在目XD~)有你Lead住全程都好輕鬆,我地都無諗過影pre-wed原來都幾好玩~中途攝影師間中比返一兩張相我地睇,令我地好有信心兼夾唔怕凍死咁繼續影落去~我重記得你果句” 最擅長將呢D天氣化腐朽為神奇” ,真係無吹水^^~睇返晒D相真係唔覺得天氣差~ 勁~

同攝影師相處左一日我地發掘到大家既共同嗜好—食薯片~影完晒相重帶埋我地去超市Shopping買薯片零食~真係好friendly ~~知道果日大家都累壞啦,加上化妝師又太好人~於是請左佢地食左餐便飯開心下~~!當晚因為我Bk唔到原來間酒店~要住去另一間較遠既民宿~攝影師都主動提出車埋我地去~夠晒義氣~如是者就咁完結左呢part pre-wed既行程~~~

返到香港等睇相,心情再次變得緊張~話說有朋友在外面影完pre-wed,想揀夠相落相簿都有困難~畢境對自己的樣子太無信心啦><好在見到D相真係安樂晒~輕輕鬆鬆我地就擇出了80多張~但礙於財政所限,我們還是盡量減少張數~反正最令我安心也就是相底全包XD~如傳說所講,揀相幾個鐘無受到任何壓力,好casual好舒服,我地都加左D相~太中意啦揀唔走~!唯獨是擇相果部電腦…換左佢la ><

還有一個人就是同事Yu了~她真是10個珍,我地都坐在你面前啦,還打來約我地睇相~蝦碌到暈~重整爛野XD,btw你好好人ar,D細節野解釋得好清楚好詳細~very nice~~!

最後想一提小插曲~就係我地太遲先知道你地日本住係邊間酒店~導致影相當晚要住去第間><,如果你們Bk後可第一時間通知客戶~咁就更加完美了~

總結,成個旅程都好開心同滿意,輕井澤真係個又靚又舒服既地方~雖然呢家睇到既相都未final, 但都好滿意了^^誠意推介比各位朋友~可惜呢家無相係手,唔係就可以連相Post了,快D執靚我地D相等我補上啦~最係再次Thanks for 攝影師, 化妝師, Kate, Yu, 同事a, 重有” 好流” 既Hami幫我約時間同解答問題~ Thanks you all~!^^

«
»