Kammy & Alvin | Macau

Macau | April 2013

在婚展會上, 大大小小的攤位讓人眼花撩亂,本想平平地join一D攝影package, 但諗諗下,一生人一次,無可能求求其其架,都想影得好d,留下美好回憶,直至見到Fei Wedding攤位,睇過佢地影既相,真係同d平既果d有分別, 出來既效果好好,特別係攝影師既技巧真係岩晒我倆既胃口:p 所以我地最終join左Fei Wedding, 並指定攝影師。

係拍攝前一日,去到我地既拍攝地方-澳門, 當日陽光普照,諗住第二日都會好好天, 點知係影相果日一起身就見到落大雨, 我同老婆心情真係down左一down,但化妝師-Kitty叫我地唔洗擔心, 攝影師佢地係好有經驗既攝影師,會識得走位影的,甘我地既心情都無甘驚! 攝影師同佢既助手到來,首先係酒店影左一輯,之後係漁人碼頭影,一路都有小小雨, 但一路影都感覺自然,擔住把遮影仲份外浪漫添:D

不得不讚Kitty既妝真係化得老婆好靚同自然而且有雨既環境下都無化,同換妝神速,而攝影師拍得專業同助手細心,真係要比個Like佢地^o^

由朝拍到晚,真係好攰,但佢地好專業無架子,終於完成當日拍攝,好彩雨唔係不停落,所以都拍到我地想要拍既地方。之後一個月左右, 去揀相,未揀前真係好驚落雨會影響晒拍出來既效果, 最終一睇d相,我地終於放下心頭大石, 出來既效果好好,係我地想要個種effect, 影出來完成唔似係雨天下影的, 真係好多謝Fei Wedding帶比我倆美好既回憶, 期待之後既完成品同相簿~~~^o^

«
»