Gislane & Kenneth | Italy

Italy | July 2013

之前喺搵Pre-Wedding拍攝嘅時候已經喺網上面留意到Fei Wedding。淨係睇網上面嘅相,我哋已經覺得啲相好啱我哋想要嘅風格。之後去到九展睇佢哋嘅booth,由攝影師親自介紹。真係好詳細,心入面已經鎖定咗係我哋嘅選擇。

到之後出發前嘅安排,由揀景點到試婚紗晚裝,每樣嘢都安排得好周到。攝影師亦share咗好多經外拍嘅經驗俾我哋,等我哋可以做好出發前嘅準備。

去到巴黎,喺拍攝之前嘅一晚,再同攝影師同化妝師見面,為拍攝前作最後準備。出發啦!雖然我哋從來都好少咁早起身,但一出到去見到藍天白雲,已經將早起身嘅事拋諸腦後。

多得攝影師細心安排,所有嘢都進行得好順利,就連去邊度食嘢都好好介紹。不經不覺已經由清早影到深夜,好攰呀,不過一諗到可以影哂我哋想要嘅景點,所有嘅攰都唔記得哂。^^”到咗最近,我哋終於見到啲初稿,好靚呀!完全喺我哋之前所期待嘅Pre-Wedding。真係衷心多謝攝影師同你嘅團隊。真係好想快啲收到啲製成品!!

Gislaine & Kenneth

«
»