Luna & Perry | Secret Place

Secret Place | September 2017

感謝Fei Wedding 既各位員工熱心幫忙!

礙於一些小意外,要係Big Day前三個月時間內重影一次pre wedding. 經朋友介紹選擇左Fei wedding。

由我地聯絡佢地傾細節,到安排試衫,影相都只係兩個星期左右內完成,連我地都感受到佢地緊張埋一份。員工講解清晰易明,就算我地需要趕進度,都唔會話迫我將就一啲決定,陪我地一步步選擇場景,風格,細心聆聽我地既要求。試衫當日並無催促,耐心協助我地兩位配搭出最滿意既禮服。

拍攝當日無論化妝師,攝影師及助手都準時到達,而且有傾有講,令到我地緊張既心情都放鬆好多。化妝師手勢好,攝影師無論擺pose ,表情,都會細心教,而助手亦落力協助佈置場景。全日係一個無壓力,輕鬆既心情下完成拍攝。謝謝攝影團隊。
揀相當日睇番到啲相真係好開心,比想像中滿意得多,要我地係咁多張相入面揀40張擺相簿真係太難,因為太多都想要。

如果有親友需要攝影服務,一定會推薦比佢地。
再次感謝Fei Wedding 各位員工既幫忙。

«
»