Suz & Otto | Germany

Germany | August 2015

當決定踏入人生新一頁,我們上年2014年開始問身邊朋友意見,對於婚紗攝影直頭毫無頭緒又無去到婚展!我未來老婆朋友剛剛join左Fei wedding ,所以比左網站比我地參考,我地睇完d相都覺得拍攝嘅手法好特別!所以約咗個時間上去傾下了解下!上到去Fei wedding 既亞寶好耐心咁介紹吾同地方特色,花多眼亂下我地揀左「德國」有好多古堡同好靚大自然景!差吾多出發幾個月,周杰倫剛剛都係新天鵝堡影完wedding photo!!

到德國第一天已經俾炎熱天氣打倒(因為天氣預報話過幾日有雷雨), 我們的拍攝日期8月9曰,為有更好狀態,8月7日我們到達富森,為後天拍攝做好準備. 攝影師同化妝師同我地同一日到達,所以我地提早左開會。對於完全沒有拍攝經驗的我們,睇到天氣預報話會有雷雨真係吾知點算聽完攝影師同化妝師意見,我地決定提前一日拍攝!感謝攝影師非常有heart ! 比定心丸我地!萬一真係有雷雨!仲有一曰可以補影!lee一句說話真係令我地安心好多!我地絕對無揀錯公司!

天公作美!拍攝當天比我地第一天到逹仲猛太陽去到新天鵝堡,剛剛遇到一大圑日本遊客,好多人恭喜我地感覺好有趣由好緊張既我慢慢放鬆。見到攝影師為左一個鏡頭訓哂身拎角度!化妝師走黎走去試企位!真係好專業!

返酒店換衫,我終於可以抖下啦!下半埸我地去左一個好靚草原上,山下面好多紅色木屋!成個布拉格!係小教堂面前,好多汽車響安同祝賀我地!既興奮又刺激! 我地去返湖邊影影下相突然落雨,化妝師拎住反光板同我地一齊避雨。好彩可以繼續再影!最後一套衫,去返小鎮上面輕輕鬆鬆食雪糕!個感覺好舒服!最relax嘅!成個拍攝旅程感恩好順利!今日返今日上到去揀相好有衝動又想再去旅行!

當已經完成晒整個拍攝工作,第二日我哋就開始我哋嘅旅行,意外地攝影師同化妝師好有心(因為佢哋已經完成晒佢哋嘅拍攝工作),化妝師搵我地車我地去下一個要去嘅行程景點,又教我地點樣去行。你哋嘅細心同埋態度令到我哋覺得好窩心!真心感受到你們既熱情同成個過程嘅專業態度!

«
»