Esther & Eagles | Lijiang & Secret Place

Lijiang & Secret Place | March 2017

係2016年10月既時候, 我同老公都決定左2017年結婚,諗緊Pre-wedding去咩地方影相好 ,果陣大家就好積極去資料,係機緣巧合既情況下, 我地係FacebookFei wedding係麗江有拍攝雪山婚照, 令我對麗江既婚紗照產生興趣, 最鍾意果種比較自然同舒暢既感覺, 當時對攝影都無嘜了解, 又有好多問題同擔心, 因為我地好怕俾d攝影公司呃, 所以都心大心細左好耐究竟揀邊間影婚紗相好??最終係網上睇到11月既婚展有佢地既攤位, 就決定左到時去攤位了解下。一去到攤位, 阿Po就同我地講左好多Package既細節同解答左我地既問題, 而且仲推介麗江婚紗拍攝+Secret Place Studio拍攝既Package,最最最重要嘅係底片全送,最後就即時決定咗Join呢個Package啦。

拍攝Secret Place Studio時,化妝師見到我同老公都好緊張,叫我地放鬆d,仲教我地影相時記得要登頭就無咗雙下爬,Set頭同化妝非常專業同超級細心,一啲都唔求其, 仲會幫我襯唔同嘅頭飾去加強效果, 真係好靚。攝影師SAM展示佢professional (專業) 既一面,將我地影得好靚,攝影師阿Yuen就不停搞下氣氛同講下笑話,令我地無咁緊張。

拍攝麗江時,攝影師阿凱, 助手阿武同化妝師晴晴好友善, 佢地都好細心留意同滿足客人需要,成個拍攝過程都非常開心, 讚…讚…讚

最後好多謝Fei Wedding所有幫助過我地既員工,為我地提供專業服務
祝Fei Wedding生意興隆!!!

«
»